ABŞ-nin iştirakı ilə İsrail və İran arasında müharibə yeni qaçqın dalğası və artan terror təhlükəsi ilə üzləşəcək Avropa üçün nəticəsiz olmayacaq.

“Sizinxeber.az” xəbər verir ki, bunu Macarıstanın baş naziri Viktor Orban bəyan edib.

Onun sözlərinə görə, İran-İsrail müharibəsinin nəticələri Avropaya çatacaq:

“Biz nümayişlərə və artan terror təhlükəsinə hazırlaşmalıyıq. Biz Macarıstanın miqrantlar ölkəsinə çevrilməsinə imkan vermədiyimiz üçün daha yaxşı vəziyyətdəyik”.

Orban Yaxın Şərqdəki vəziyyətlə əlaqədar iyunun 22-də Müdafiə Şurasının iclasını çağırdığını bildirib: “Biz Macarıstanda sülhün və təhlükəsizliyin qorunub saxlanmasını təmin etmək üçün lazımi tədbirlər görəcəyik”.

Orban daha əvvəl bəyan edib ki, İranda mövcud hökumətin devrilməsi təkcə bu ölkədə deyil, bütün Yaxın Şərq regionunda vəziyyəti sabitliyi poza bilər. O qeyd edib ki, nə Macarıstan, nə də digər dövlətlər belə inkişafda maraqlı olmamalıdır, çünki bu, dünya bazarlarında neft və qazın qiymətinin kəskin artmasına səbəb olacaq.

Oxşar xəbərlər

Viktor Orban: Gürcüstanın suverenliyini Aİ qarşısında müdafiə edəcəyik

Viktor Orban: Azərbaycan regional təhlükəsizliyin təmin olunmasında əla nümunədir

Viktor Orban: Avropa İttifaqı Ukrayna münaqişəsində uduzub

Orban ABŞ ilə Macarıstanın sərfəli ticarət sazişi bağlayacağına ümid edir

Viktor Orban: Avropa Şurasının sədri kimi Azərbaycanla strateji əməkdaşlığı dəstəkləyirik