Bütün Türkiyə 24 il sonra yığma komandanın yenidən futbol üzrə Dünya Çempionatında iştirakını həyəcanla və səbirsizliklə gözləyir.

"Sizinxeber.az" xəbər verir ki, bunu Türkiyə Prezidenti Rəcəb Tayyib Ərdoğan DÇ-2026-da Avstraliya ilə Bakı vaxtı ilə 08:00-da qarşılacaq Türkiyə millisinə uğurlar arzulayarkən deyib.

"86 milyon vətəndaşın hər biri eyni amalla birləşib", - Ərdoğan yığma komandaya qələbə üçün dəstəyi nəzərdə tutub.

Ərdoğan 2002-ci ildə keçirilən dünya çempionatında Türkiyənin üçüncü yeri tutmasını da xatırladıb: "İndi isə yeni bir dastan yazmağın zamanıdır".

Xatırladaq ki, Türkiyə milli futbol komandası 2002-ci il Dünya Çempionatında (DÇ-2002) tarixinin ən böyük uğuruna imza ataraq turniri bürünc medalla (3-cü yer) başa vurub. Şenol Günəşin rəhbərlik etdiyi "Ay-ulduzlular" yarımfinala qədər irəliləyib və turnirin ev sahiblərindən olan Cənubi Koreyanı məğlub edərək dünya üçüncüsü olub.

Hazırda isə bu uğuru təkrarlamaq üçün Türkiyə ABŞ, Avstraliya və Paraqvayla bölüşdüyü D qrupundan pley-off mərhələsinə adlamalıdır. İlk oyundan sonra Paraqvay üzərində 4:1 hesabı ilə qələbə qazanan ABŞ qrup lideridir.

Binlerce kilometre uzakta olsanız da Türkiye’nin her hanesinde, her sokağında, her meydanında kalpler sizinle atacak.

Şimdi yeni bir destan yazma zamanı.

Yolunuz, bahtınız açık olsun. Vurduğunuz gol olsun #BizimÇocuklar pic.twitter.com/4ho0keMody

— Recep Tayyip Erdoğan (@RTErdogan) June 13, 2026

Oxşar xəbərlər

Ərdoğan: 2002-ci ildən bu günə qədər 13 min 291 tarixi sənət əsəri Türkiyəyə qaytarılıb

Ərdoğan TBMM-in sədrini qəbul edib

Azərbaycan güləşçiləri dünya çempionatında üçüncü yeri tutub

Ərdoğan: Yeni dünya düzəninin Türkiyəsiz qurulması mümkün deyil

Ərdoğan: Türkiyə Aİ-dən üzvlüklə bağlı müzakirələri canlandırmasını gözləyir