Macarıstan hökuməti ABŞ Prezidenti Donald Trampla razılığa gələ biləcək.

“Report” xəbər verir ki, bu barədə Macarıstanın Baş naziri Viktor Orban sosial şəbəkə hesabında məlumat verib.

Onun sözlərinə görə, Donald Trampın ABŞ-də hakimiyyətə qayıtması Avropa İttifaqının vəziyyətini çətinləşdirə bilər. V.Orban qeyd edib ki, amerikalı lider hakimiyyətdə olduğu iki həftə ərzində artıq "bütün dünyanı alt-üst edib".

"Avropa İttifaqını çətin aylar gözləyir və Brüsseldəki bürokratlar üçün asan olmayacaq. Birləşmiş Ştatlarla iqtisadi əlaqələrimizi qorumaq üçün saziş bağlamalıyıq", - o qeyd edib.

Baş nazirin sözlərinə görə, Macarıstan hökuməti "prezident Trampın vəzifəyə qayıdacağını həmişə bilirdi" və buna hazır idi.

Oxşar xəbərlər

Orban: Trampın ABŞ seçkilərində qələbəsi Macarıstanın təcridinə son qoyub

Orban Avropa Komissiyasını Macarıstan hökumətini devirmək istəməkdə ittiham edib

Viktor Orban: "Macarıstanın türk dövlətləri ilə illik ticarət dövriyyəsi 5 milyard dolları keçib"

Viktor Orban: Avropa İttifaqı Ukrayna münaqişəsində uduzub

Borrell: Orban Gürcüstana səfərində Aİ-ni təmsil etmir