Azərbaycan ilə Macarıstan arasında ikitərəfli münasibətlər çox yüksək səviyyədədir, həmişəkindən daha yaxşıdır.

Bunu "Report"a Macarıstanın Baş naziri Viktor Orban İtaliyada keçirilən Beynəlxalq Çernobbio Forumunun kuluarında deyib.

“Düşünürəm ki, onlar hər zamankından daha yaxşıdır. Biz yəqin ki, enerji resurslarınızın ikinci ən böyük alıcısıyıq. İndicə ölkənizdən Avropa ölkələrinə, o cümlədən Macarıstana “yaşıl enerji” idxalına dair saziş imzalamışıq. Ona görə də hesab edirəm ki, Azərbaycan gələcəkdə də əhəmiyyətli ölkədir”, - o bildirib.

Avropa İttifaqı ilə münasibətlərə gəlincə, Viktor Orban qeyd edib ki, Avropa Şurasının sədri kimi Macarıstan Azərbaycanla daha da güclü, strateji əməkdaşlığın qurulmasını dəstəkləyir:

“Azərbaycan artıq Avropa ilə sıx əməkdaşlıq edir, enerji təchizatı sayəsində strateji cəhətdən əsas ölkəyə çevrilib. Ona görə də biz Avropa Şurasının sədri kimi Azərbaycanla əməkdaşlığın gücləndirilməsini dəstəkləyirik”.

Oxşar xəbərlər

Viktor Orban: Azərbaycan regional təhlükəsizliyin təmin olunmasında əla nümunədir [xfgiven_updateblue][/xfgiven_updateblue]

Ərdoğan: Macarıstanı Aİ sədrliyindən uzaqlaşdırmağa çalışırlar [xfgiven_updateblue][/xfgiven_updateblue]

Ömər Bolat: “Türkiyə və Azərbaycan regionda güclü ittifaqı təmsil edir” [xfgiven_updateblue][/xfgiven_updateblue]

KİV: Viktor Orban Zelenski ilə görüşməyə razılıq verib [xfgiven_updateblue][/xfgiven_updateblue]

Oliver Varhelyi yenidən Aİ komissarı postuna namizəd irəli sürülüb [xfgiven_updateblue][/xfgiven_updateblue]