ABŞ və İran nümayəndə heyətləri arasında sülh razılaşmasının imzalanması məqsədilə virtual görüşün keçirilməsi planlaşdırılır.

Bu barədə Al Hadath telekanalı mənbələrə istinadən məlumat yayıb.

Məlumata görə, görüşdə ABŞ-ın vitse-prezidenti Cey Di Vens və İran parlamentinin sədri Məhəmməd Baqir Qalibafın iştirak edəcəyi gözlənilir. Danışıqlarda vasitəçilərin də yer alacağı bildirilir.

Telekanalın iddiasına əsasən, tərəflər mümkün sülh sazişinin mətnini virtual formatda imzalamağı nəzərdən keçirirlər. Müzakirələr zamanı Hörmüz boğazında gəmiçiliyin bərpası və bölgədə gərginliyin azaldılması məsələlərinin də gündəmdə olduğu qeyd edilir.

Lakin nə Vaşinqton, nə də Tehran bu məlumatı hələlik rəsmi şəkildə təsdiqləməyib. İran rəsmiləri daha əvvəl ABŞ-la danışıqların davam etdiyini bildirsələr də, yekun razılaşmanın əldə olunmadığını vurğulayıblar.

Oxşar xəbərlər

Axios: ABŞ və İran iyunun 14-də virtual formatda memorandum imzalayacaq

ABŞ və İran rəsmiləri razılaşmanı virtual imzalanmağa hazırlaşır

Fars: İran ABŞ-la razılaşmanın heç bir mətnini hələ təsdiqləməyib

Vens və Qalibaf İslamabaddakı İran-ABŞ danışıqlarına başçılıq edəcək

KİV: ABŞ-nin İranla müzakirələrində əsas danışıqçısı Vens ola bilər