Türkmənistanda Azərbaycan Mədəniyyəti Günləri çərçivəsində Azərbaycan və Türkmənistan Dövlət Rəqs ansambllarının birgə konserti baş tutub.

"Report"un Türkmənistana ezam olunmuş əməkdaşı xəbər verir ki, tədbir Arkadağ şəhərində yerləşən Goroğlu adına Dövlət Atçılıq Sirkində keçirilib.

Tədbirdə Azərbaycanın mədəniyyət naziri Adil Kərimli, Türkmənistanın mədəniyyət nazirinin müavini Nursahed Şirimov, Azərbaycanın Türkmənistandakı səfiri Qismət Gözəlov, hər iki ölkənin Mədəniyyət nazirliklərinin nümayəndələri, mədəni ictimaiyyət və media mənsubları iştirak ediblər.

Konsert proqramında hər iki ölkənin milli rəqslərindən ibarət rəngarəng kompozosiya təqdim edilib.

Azərbaycan və Türkmənistan xalqlarının zəngin mədəni irsini əks etdirən çıxışlar tamaşaçılar tərəfindən maraqla qarşılanıb.

Daha sonra tədbir Türkmənistanın milli at şousu ilə davam edib. Şou zamanı atların iştirakı ilə müxtəlif akrobatik nömrələr nümayiş olunub.

Qeyd edək ki, Türkmənistanda keçirilən Azərbaycan Mədəniyyəti Günləri sabah ölkənin Aşqabad şəhərində davam etdiriləcək.

Oxşar xəbərlər

Tacikistanda Azərbaycan Mədəniyyəti Günlərinin açılışı münasibətilə qala konsert keçirilib

Türkmənistanda Azərbaycan Mədəniyyəti Günləri çərçivəsində konsert təşkil olunub

Adil Kərimli: Azərbaycan mədəniyyəti Türkmənistanda əhatəli şəkildə nümayiş etdiriləcək

Arkadağ şəhər muzeyində "Azərbaycan - obyektivdən tarixə" adlı sərgi açılıb

Azərbaycan və Türkmənistan mədəniyyət sahəsində əməkdaşlığı genişləndirməyi planlaşdırır