Konqoda ebola qızdırmasından laboratoriya tərəfindən təsdiqlənmiş ölüm hallarının sayı 86-ya yüksəlib.

"Sizinxeber.az" xəbər verir ki, bu məlumatları ölkənin Səhiyyə Nazirliyi özünün gündəlik informasiya bülletenində təqdim edib.

Son sutka ərzində xəstəlikdən daha altı nəfər vəfat edib. Ebola virusuna yoluxma hallarının ümumi sayı 488-ə çatıb. İyunun 5-i axşam saatlarına olan məlumata görə, bu göstərici 452 səviyyəsində idi.

Qurum vurğulayıb ki, virusun daha da yayılmasının qarşısını almaq üçün fəal tədbirlər görülür. Ölkə hakimiyyəti hazırkı epidemiyanın mərkəzində - İturi əyalətində tibbi izolyatorların tutumunu artırır. Oraya həmçinin tibbi və xidməti heyət üçün əlavə fərdi mühafizə vasitələri göndərilir.

Konqo və Uqanda hökumətləri mayın 15-də ebola qızdırması epidemiyasının başladığını rəsmən elan edib. Ekspertlərin qiymətləndirmələrinə görə, hazırkı yayılma ebola virusunun ilk dəfə aşkar edildiyi 1976-cı ildən bəri ən böyük və təhlükəli epidemiyalar sırasına daxildir.

Oxşar xəbərlər

Konqoda Ebola virusundan ölənlərin sayı kəskin şəkildə artıb

Uqandada Ebola virusuna yoluxanların sayı beşə çatıb

Konqoda Ebola epidemiyasının yeni dalğası qeydə alınıb

Konqodakı amerikalılar Ebola xəstələri ilə təmasda şübhəli bilinirlər

Afrikada Ebola həyəcanı: 65 nəfər öldü