Tacikistan Opera və Balet Teatrında Azərbaycan Mədəniyyəti Günlərinin açılışı münasibətilə təntənəli qala konsert keçirilib.

“Sizinxeber.az”un Düşənbəyə ezam olunan əməkdaşı xəbər verir ki, qala konsertdə Azərbaycanın mədəniyyət naziri Adil Kərimli, Tacikistanın mədəniyyət naziri Matlubaxon Sattoriyen, Azərbaycanın Tacikistandakı səfiri Əlimirzamin Əsgərov, eləcə də hər iki ölkənin mədəniyyət nazirliklərinin nümayəndələri, səfirlik əməkdaşları, mədəni-ictimai xadimlər iştirak edib.

Çıxış edən Azərbaycanın mədəniyyət naziri Adil Kərimli iki ölkənin mədəni bağlarından, Prezidentlər səviyyəsində qarşılıqlı etimadlarından söz açıb.

Tacikistanın mədəniyyət naziri Matlubaxon Sattoriyen də, öz növbəsində, Azərbaycan-Tacikistan əlaqələrinin dərin köklərə malik olduğunu bildirib.

Çıxışların ardınca Azərbaycan incəsənət ustalarının, həmçinin Azərbaycan Dövlət Rəqs Ansamblının təqdimatında rəngli kompozisiya nümayiş edilib.

Çıxışçılar milli rəqs, eləcə də bəstəkar və xalq mahnıları ilə qala konsertə damğa vurublar.

Konsert proqramı tamaşaçılar tərəfindən böyük coşqu ilə qarşılanıb.

Məlumat üçün qeyd edək ki, Tacikistanda Azərbaycan Mədəniyyəti Günləri sabah da zəngin proqramla davam etdiriləcək.

Oxşar xəbərlər

Qırğızıstanda Azərbaycan Mədəniyyəti Günlərinin təntənəli açılış mərasimi keçirilir [xfgiven_updateblue][/xfgiven_updateblue]

Tacikistanda Azərbaycan Mədəniyyəti Günləri keçirilir [xfgiven_updateblue][/xfgiven_updateblue]

Qırğızıstanda Azərbaycan Mədəniyyəti Günlərinin təntənəli açılış mərasimi keçirilib - YENİLƏNİB [xfgiven_updateblue][/xfgiven_updateblue]

Adil Kərimli: Azərbaycanla Qırğızıstanın dinamik inkişaf edən münasibətləri tarixi köklərə əsaslanır [xfgiven_updateblue][/xfgiven_updateblue]

Azərbaycanla Mərakeş arasında qarşılıqlı mədəniyyət günləri keçirilə bilər [xfgiven_updateblue][/xfgiven_updateblue]