Fövqəladə Hallar Nazirliyinin “112” qaynar telefon xəttinə Abşeron rayonu, Xırdalan şəhəri, Mehdi Hüseynzadə küçəsində çoxmərtəbəli yaşayış binasında vətəndaşın təhlükəli vəziyyətdə qalması barədə məlumat daxil olub.

Sizinxeber.az xəbər verir ki, bu barədə Fövqəladə Hallar Nazirliyinin mətbuat xidməti məlumat yayıb.

Məlumatla əlaqədar hadisə yerinə dərhal FHN-in Xüsusi Riskli Xilasetmə Xidmətinin xilasediciləri cəlb edilib.

Hadisə yerində əməliyyat şəraiti qiymətləndirilərkən, vətəndaşın onikimərtəbəli yaşayış binasının səkkizinci mərtəbəsində paltar asdığı zaman yıxılaraq beşinci mərtəbənin eyvanında dəmir barmaqlıqlardan asılı vəziyyətdə qaldığı və hər an yıxılmaq təhlükəsində olduğu müəyyən edilib.

Xilasedicilər xüsusi xilasetmə vasitələrini tətbiq edərək eyvanın dəmir barmaqlıqlarını kəsib və 1999-cu il təvəllüdlü L. Məmmədovanı xilas ediblər.

Oxşar xəbərlər

Xırdalanda binanın səkkizinci mərtəbəsindən yıxılaraq beşinci mərtəbədə asılı qalan qadın xilas edilib

Xırdalan sakini yuxarı mərtəbədən 2-ci mərtəbənin eyvanına yıxılıb - VİDEO

FHN bağlı qapı arxasında köməksiz qalan 9 yaşlı uşağı xilas edib - VİDEO

FHN: Avtomobildə sıxılı qalan şəxs xilas edilib - VİDEO

Xəzər rayonunda su quyusuna düşən şəxs FHN-in əməkdaşları tərəfindən xilas edilib - VİDEO