Fövqəladə Hallar Nazirliyinin “112” qaynar telefon xəttinə daxil olmuş zənglər əsasında intensiv yağışların Bakı şəhəri və Abşeron rayonu ərazisində yaratdığı fəsadların aradan qaldırılması üçün Fövqəladə Hallar Nazirliyinin qüvvələri ərazilərə cəlb olunub.

Sizinxeber.az xəbər verir ki, bu barədə FHN məlumat yayıb.

Belə ki, su basmış yerlərdən suyun çəkilərək kənarlaşdırılması, habelə bəzi ünvanlarda köməyə ehtiyacı olan vətəndaşların təhlükəsiz əraziyə təxliyə edilməsi üçün Nazirliyin Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzinin qüvvələri cəlb edilib.

Görülmüş tədbirlər nəticəsində bir sıra ünvanlarda suyun çəkilərək kənarlaşdırılması təmin edilib, köməyə ehtiyacı olan 3-ü azyaşlı olmaqla ümumilikdə 8 vətəndaşın təhlükəsiz əraziyə təxliyə edilməsi təmin edilib.

Hazırda suçəkmə və digər təhlükəsizlik tədbirlərinin görülməsi davam etdirilir.

Oxşar xəbərlər

Hacıqabulda subasmaya məruz qalan ərazidə 3-ü uşaq olmaqla, ümumilikdə 12 nəfər təxliyə olunub - VİDEO

Naxçıvanda fərdi yaşayış evlərinin zirzəmisini su basıb - VİDEO

FHN: Hacıqabulda su basan ərazilərdə tədbirlər fasiləsiz davam etdirilir - VİDEO

Gəncə və Göygöldə fərdi yaşayış evlərinin zirzəmiləri subasmaya məruz qalıb - VİDEO

FHN: Su basmış ərazilərdən 8 vətəndaş təxliyə edilib, suyun çəkilərək kənarlaşdırılması təmin edilib