Konqo Demokratik Respublikasında (KDR) son 24 saat ərzində Ebola virusundan təsdiqlənmiş ölüm hallarının sayında kəskin artım baş verib və ölənlərin ümumi sayı əvvəlki günlə müqayisədə 18 nəfər çox - 82-yə çatıb.

"Sizinxeber.az" xəbər verir ki, bu barədə Konqo Səhiyyə Nazirliyi sonuncu gündəlik bülletenində məlumat verib.

Təsdiqlənmiş Ebola yoluxma hallarının sayı da son 24 saat ərzində əhəmiyyətli dərəcədə artaraq 71 nəfər artaraq 452-yə çatıb. Yeni yoluxanların çoxu qadınlardır.

Cari epidemiyanın ötən may ayında başlamasından bəri heç vaxt ölümlərin və Ebola xəstəliyinə yeni yoluxma hallarının sayında bu qədər əhəmiyyətli artım olmayıb. Bu artımın arxasında nəyin dayandığı hələlik məlum deyil.

Ölkənin Səhiyyə Nazirliyi bildirib ki, bu artım tibbi qrupların hazırkı epidemiyanın episentri olan İturi əyalətinin ucqar ərazilərinə çıxış əldə edə bilməsi ilə bağlıdır.

Beləliklə, tibb işçiləri Uqanda ilə həmsərhəd olan Mahagi rayonunda xəstəlik ocaqlarına daha çox çıxış əldə ediblər. Mahagidə üsyançı qruplar fəaliyyət göstərir ki, bu da tibb briqadalarının hərəkətinə mane olur.

Oxşar xəbərlər

Uqandada Ebola virusuna yoluxanların sayı beşə çatıb

Konqodakı amerikalılar Ebola xəstələri ilə təmasda şübhəli bilinirlər

ÜST Ebola epidemiyasına görə Konqo və Uqandada fövqəladə vəziyyət elan edib

Konqoda Ebola epidemiyasının yeni dalğası qeydə alınıb

Afrikada Ebola həyəcanı: 65 nəfər öldü