2024-cü ildə Kənd Təsərrüfatı Nazirliyi yanında Aqrar İnnovasiya Mərkəzinin təşkilatçılığı ilə 12 iqtisadi - 33 inzibati rayonda Aqrar Biznes Festivalı keçirilib.

"Report" nazirliyə istinadən festivallara dövlət və özəl sektoru təmsil edən 176 qurum, müəssisə və şirkət, o cümlədən 120 xarici şirkət qatılıb.

Festivalları ümumilikdə 17 171 fermer və sahibkar ziyarət edib, ziyarətçilərin 15 281 nəfəri kişi, 1 890 nəfəri qadın olub.

Aqrar Biznes Festivalları çərçivəsində 16 toxum sərgi-satış yarmarkası, 30 kredit yarmarkası təşkil olunub. Masallı rayonunda təşkil olunan toxum sərgi-satış yarmarkası çərçivəsində Respublika Toxumçularının II Forumu keçirilib. Kredit yarmarkalarında Aqrar Kredit və İnkişaf Agentliyi və Aqrar Sığorta Fondu ilə yanaşı, 12 bank və 2 bank olmayan kredit təşkilatı iştirak edib.

Aqrar Biznes Festivalları çərçivəsində 20 rayondan olan 689 fermerə 25 mövzu üzrə 32 təlim keçirilib.

Oxşar xəbərlər

Naxçıvanda toxum sərgi-satış yarmarkası keçirilib

Daşkəsəndə Aqrar Biznes Festivalı keçirilir

Masallı və Neftçalada növbəti toxum sərgi-satış yarmarkaları keçirilib

Siyəzəndə Aqrar Biznes Festivalı keçirilib

Aqrar Kredit və İnkişaf Agentliyinin sədri dəyişib