İranın müdafiə qabiliyyəti heç vaxt heç kimlə müzakirə obyekti olmayacaq.

APA xəbər verir ki, bunu İran Xarici İşlər Nazirliyinin sözçüsü İsmayıl Bəqayi brifinqdə deyib.

“İranın müdafiə qabiliyyəti və raket gücü heç vaxt dialoqun bir parçası olmayıb və bu mövzuda heç kimlə müzakirə aparılmayacaq”, - Bəqayi vurğulayıb.

O, ABŞ Maliyyə Nazirliyinin İranın neft və neft məhsullarının ixracı ilə bağlı elan etdiyi 60 günlük icazəyə də münasibət bildirib. Bəqayi qeyd edib ki, 60 günlük icazə elan olunduğu andan etibarən qanuna minib və icra mərhələsinə daxil olub.

XİN sözçüsü İranın azad olunmuş aktivlərinin də rəsmi Tehranın ixtiyarında olduğunu və bu aktivlərdən lazım olan məsələlər üçün istifadə olunacağını əlavə edib.

Oxşar xəbərlər

İran XİN: Zəngəzur dəhlizi ilə bağlı danışıqlar aparırıq

İran Bakı və İrəvanı sülh sazişinin imzalanmasını sürətləndirməyə çağırıb

Rəsmi Tehran: Dinc nüvə enerjisi İranın ayrılmaz hüququdur, zənginləşdirmə səviyyəsi müzakirə edilə bilər

İran zədələnmiş nüvə obyektlərinin AEBA tərəfindən yoxlanılmasının planlaşdırılmadığını bildirir

İran xarici işlər naziri Çinə gedir