Yəmən Nümayəndələr Palatasının sədri Sultan Səid Əlbarkani göstərilən mənəvi və humanitar yardımlara görə Azərbaycana təşəkkür edib.

"Report" xəbər verir ki, o, bu barədə Milli Məclisin sədri Sahibə Qafarova ilə görüşü zamanı bildirib.

Sultan Səid Əlbarkani ölkəsinin Azərbaycanla münasibətlərin inkişafında maraqlı olduğunu və burada gördükləri inkişafdan məmnunluğunu bildirib.

Yəmən Nümayəndələr Palatasının sədri iki ölkənin müxtəlif sahələrdə əməkdaşlığı, o cümlədən parlamentlər arasında münasibətlərin inkişaf perspektivləri barədə fikirlərini bölüşüb.

Eyni zamanda görüşdə iki ölkə arasında münasibətlərin dərinləşməsində parlamentlərarası əməkdaşlığın özünəməxsus rolu diqqətə çatdırılıb. Bildirilib ki, hər iki ölkənin qanunverici orqanında qarşılıqlı dostluq qruplarının yaradılması münasibətlərin inkişafına böyük töhfə olardı.

Qeyd edək ki, Yəmən parlamentinin sədri İslam Əməkdaşlıq Təşkilatı Parlament İttifaqı Konfransının 20-ci sessiyasında qatılmaq məqsədilə Azərbaycana səfərə gəlib.

Oxşar xəbərlər

Yəmən Nümayəndələr Palatasının sədri Azərbaycana gəlib

Sahibə Qafarova iordaniyalı həmkarı ilə parlamentlərarası əməkdaşlığı müzakirə edib

Sahibə Qafarova BƏƏ-nin Federal Milli Şurasının sədri ilə görüşüb

Azərbaycan və Serbiya parlamentlərinin sədrləri ikitərəfli əməkdaşlığı müzakirə edib

Sahibə Qafarova Şimali Makedoniya Prezidenti ilə görüşüb