“Biz dünyada elə bir sistem qurmalıyıq ki, burada beynəlxalq tərəfdaşların və digər maraqlı tərəflərin iştirakı təmin olunsun”.

APA xəbər verir ki, bunu WUF13 çərçivəsində keçirilən “Aborigen xalqların hüquqları: Müxtəlifliyi ilə bütün aborigen xalqlar üçün adekvat mənzil” adlı sessiyada “Yerli Qadınların Gücləndirilməsi Şəbəkəsi”nin icraçı direktoru Christine Kandine deyib.

O bildirib ki, bu sistem çərçivəsində qadınlar və qadın liderlər dəstəklənməlidir.

Christine Kandine vurğulayıb ki, hazırda bu istiqamətdə müxtəlif təşəbbüslər həyata keçirilir və xüsusilə ən vacib ehtiyaclar və əsas məsələlər diqqət mərkəzində saxlanılır.

“Hökumətlə birgə əməkdaşlıq etməli, yerli qurumları və yerli təşəbbüsləri bu prosesə cəlb etməliyik. Ən aşağı səviyyədə fəaliyyət göstərən qeyri-rəsmi vətəndaş cəmiyyəti qurumlarının iştirakı da vacibdir. Təşkilat olaraq biz yerli icmalarla, o cümlədən qadınlarla, əlilliyi olan şəxslərlə və müxtəlif sosial qruplarla əməkdaşlıq edirik. Məqsədimiz cəmiyyət daxilində yerli liderliyi gücləndirmək və fəaliyyətimizi daha inklüziv şəkildə qurmaqdır”, – o əlavə edib.

Oxşar xəbərlər

Maria Munoz: Aborigen qadınlar torpaq sənədinə sahib olduqda bütün icmalar qazanır

UN-Habitat rəsmisi: Torpağın zorla alınması aborigen xalqların əsas problemlərindən biridir

İcraçı direktor: WUF13 indiyədək keçirilmiş ən böyük Dünya Şəhərsalma Forumudur

UN-Habitat-ın icraçı direktoru: Nyu-Yorkda şəhərsalma gündəliyini yeniləyəcəyik

UN-Habitat: WUF13-dən WUF14-ə gedən yol yerli icranın gücləndirilməsindən keçir