Türkiyə ABŞ Prezidenti Donald Trampın Qəzza sektorunda sülhlə bağlı verdiyi seçkiqabağı vədləri yerinə yetirməsini gözləyir.

“Report” xəbər verir ki, bunu Türkiyə Prezidenti Rəcəb Tayyib Ərdoğan Pakistandan qayıtdıqdan sonra jurnalistlərə bildirib.

"Biz cənab Trampın seçkilərdən əvvəl verdiyi vədi yerinə yetirməsini gözləyirik. O, yeni müharibəyə deyil, sülhün bərqərar olmasına kömək edəcək addımlar atmalıdır. Qəzzadakı vəziyyət həqiqətən çox həssas və mürəkkəbdir", - Ərdoğan bildirib.

O, həmçinin hesab edir ki, dünya ictimaiyyəti Türkiyənin Qəzzada atəşkəsə nail olmaq səylərini inkar etməməlidir. Ankara Fələstin məsələsinin ədalətli həllinin tərəfdarıdır ki, bu da yalnız əməkdaşlıq və beynəlxalq ictimaiyyətin konstruktiv mövqeyi ilə mümkündür.

Oxşar xəbərlər

Ərdoğan: Trampın Netanyahu ilə razılaşması sülh üçün böyük təhdiddir

Türkiyə Prezidenti: Trampın ölkəmizə səfər dəvətini qəbul edəcəyinə ümid edirik

Ərdoğan: İslam dünyası Trampın Qəzza planının həyata keçməsinə icazə verməyəcək