Azərbaycan xarici işlər naziri Ceyhun Bayramov Nyu-York şəhərinə işgüzar səfəri çərçivəsində Türkmənistan Nazirlər Kabinetinin sədr müavini, xarici işlər naziri Rəşid Meredov ilə görüşüb.

"Sizinxeber.az" xəbər verir ki, bu barədə Azərbaycan Xarici İşlər Nazirliyi (XİN) məlumat yayıb.

Görüş zamanı Azərbaycan və Türkmənistan arasında yüksək səviyyəli qarşılıqlı səfərlər və təmasların dostluq və qardaşlıq münasibətlərinə əsaslanan ikitərəfli əlaqələrin daha da inkişafında rolu və əhəmiyyətindən bəhs olunub.

Həmçinin ikitərəfli və çoxtərəfli əməkdaşlıq gündəliyi, o cümlədən iqtisadiyyat, ticarət, energetika, nəqliyyat-logistika, habelə humanitar, elm, təhsil və mədəniyyət sahələri üzrə, eləcə də Xəzər dənizi çərçivəsində əməkdaşlığın genişləndirilməsi imkanları müzakirə olunub.

Bununla yanaşı, çoxtərəfli platformalar çərçivəsində qarşılıqlı faydalı əməkdaşlığın və həmrəyliyin davam etdirilməsinin vacibliyi diqqətə çatdırılıb.

Eyni zamanda, regional təhlükəsizlik məsələləri ilə bağlı fikir mübadiləsi aparılıb, bütövlükdə regionda sülhün, sabitliyin və davamlı inkişafın qorunmasının əhəmiyyəti vurğulanıb.

Görüş zamanı həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Oxşar xəbərlər

Azərbaycanla Türkmənistan Xəzər dənizi çərçivəsində əməkdaşlığın genişləndirilməsini müzakirə edib

Azərbaycan və Türkmənistan XİN başçıları qarşılıqlı ticarət həcminin artırılmasını müzakirə ediblər

Azərbaycan və Türkmənistan XİN başçıları Xəzər dənizi üzrə əməkdaşlıq məsələlərini müzakirə ediblər

Azərbaycan-Türkmənistan əməkdaşlığının hazırki vəziyyəti müzakirə olunub

Azərbaycanla Moldova arasında ikitərəfli münasibətlər müzakirə olunub