Seulda Azərbaycanın Müstəqillik Günü qeyd olunub

Koreya Respublikasının paytaxtı Seulda Azərbaycanın Müstəqillik Günü qeyd olunub.

"Report" xəbər verir ki, bu barədə Azərbaycanın Koreya Respublikasındakı səfirliyinin "X" sosial şəbəkə hesabında məlumat paylaşılıb.

Bildirilib ki, 28 May - Müstəqillik Günü Seulda böyük coşqu ilə qeyd olunub. Bu münasibətlə keçirilmiş tədbirə Koreya Respublikasının Xarici İşlər Nazirliyi və digər hökumət qurumlarının, siyasi, iqtisadi, elmi, mədəni dairələrin, KİV-lərin, diplomatik korpusun təmsilçiləri qatılıblar.

Bununla yanaşı, Cənubi Koreyada yaşayan Azərbaycan diasporu və bu ölkədə təhsil alan tələbələrimiz də tədbirdə iştirak etdilər.