İslam dünyası ölkələri ABŞ Prezidenti Donald Trampın Qəzza zolağının sakinlərini zorla köçürmək planının həyata keçməsinə imkan verməyəcək.

“Report” “TRT Haber” telekanalına istinadən xəbər verir ki, bu barədə Türkiyə Prezidenti Rəcəb Tayyib Ərdoğan bildirib.

“İslam dünyası heç vaxt Trampın planını təsdiqləməyəcək. İslam Əməkdaşlıq Təşkilatı (İƏT) buna qarşı çıxacaq. Trampın Netanyahu ilə razılaşmasını dünyada sülh üçün böyük təhlükə hesab edirəm. Qəzza fələstinlilərə məxsusdur, heç kimin Qəzzanı onlardan almağa ixtiyarı yoxdur. Mən bu plana ən qısa zamanda yenidən baxılmasını gözləyirəm”, - o deyib.

Xatırladaq ki, fevralın 4-də Ağ Evdə keçirilən danışıqlardan sonra İsrailin Baş naziri Benyamin Netanyahu ilə keçirdiyi birgə mətbuat konfransında Tramp Vaşinqtonun Yaxın Şərqdə sülhün bərqərar olması naminə Qəzza zolağına uzunmüddətli sahiblik məsələsini nəzərdən keçirdiyini açıqlamışdı. O, fələstinlilərin anklavdan regionun digər ölkələrinə köçürülməsini təklif etmişdi. Tramp hətta lazım gələrsə, anklava qoşun göndərməyə də hazır olduğunu bildirmişdi. İran, Ərəb ölkələri və bir sıra Qərb ölkələri bu plana qarşı çıxıblar.

Oxşar xəbərlər

Husilərin liderindən Trampa cavab: İsrail sakinlərini ABŞ-yə yerləşdirin

Ərdoğan: Trampın Netanyahu ilə razılaşması sülh üçün böyük təhdiddir

Ərdoğan: ABŞ-nin Qəzza ilə bağlı təkliflərinin müzakirə ediləcək heç bir tərəfi yoxdur

HƏMAS ABŞ-ni Qəzzaya nəzarətlə bağlı bəyanatlardan imtina etməyə çağırıb