Azərbaycan xarici işlər naziri Ceyhun Bayramov Amerika Birləşmiş Ştatlarının Nyu York şəhərinə işgüzar səfəri çərçivəsində Portuqaliya Respublikasının xarici işlər naziri Paulo Rangel ilə görüşüb.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, görüş zamanı Azərbaycan və Portuqaliya arasında ikitərəfli münasibətlərin cari vəziyyəti və inkişaf perspektivləri, o cümlədən siyasi dialoq, iqtisadi əməkdaşlıq, enerji təhlükəsizliyi və qarşılıqlı maraq doğuran digər məsələlər ətrafında müzakirə aparılıb.

Tərəflər iki ölkə arasında siyasi təmasların və qarşılıqlı səfərlərin əməkdaşlığın inkişafı baxımından mühüm əhəmiyyət kəsb etdiyini vurğulayıblar. Bu çərçivədə iqtisadiyyat, ticarət, investisiya, yaşıl enerji və digər sahələr üzrə əməkdaşlığın genişləndirilməsi imkanları nəzərdən keçirilib.

Nazirlər qarşılıqlı şəkildə diplomatik təmsilçiliyin səfirlik səviyyəsinə artırılması qərarlarını məmnunluqla qeyd ediblər.

Eyni zamanda, çoxtərəfli platformalar çərçivəsində əməkdaşlıq məsələlərinə də toxunulub, beynəlxalq təşkilatlar çərçivəsində qarşılıqlı fəaliyyətin və seçkili orqanlara namizədliklərə dəstəyin əhəmiyyəti qeyd edilib.

Tərəflər həmçinin qarşılıqlı maraq doğuran regional və beynəlxalq məsələlər, Yaxın Şərqdə vəziyyət ətrafında fikir mübadiləsi aparıblar.

Oxşar xəbərlər

Ceyhun Bayramov Mixail Qaluzin ilə görüşüb

Azərbaycan-Aİ münasibətlərinin perspektivi müzakirə edilib

Azərbaybaycan və Maldiv XİN başçıları arasında görüş olub

Ceyhun Bayramov Moldova XİN-in dövlət katibini qəbul edib, siyasi məsləhətləşmələr aparılıb

Maldivə Azərbaycan hökumət missiyası zamanı müzakirə edilmiş məsələlər nəzərdən keçirilib