"Viator Mikrokredit Azərbaycan" MMC bank olmayan kredit təşkilatı (BOKT) 2025-ci ili 354 min manat xalis mənfəətlə başa vurub.

"Sizinxeber.az" BOKT-un maliyyə hesabatına istinadən xəbər verir ki, bu, 2024-cü illə müqayisədə 2,2 dəfə azdır.

Ötən il "Viator Mikrokredit Azərbaycan"ın vergiyəqədərki mənfəəti 359 min manat (əvvəlki ilə nisbətən 2,5 dəfə az), mənfəət vergisi ödəmələri isə 4 min manat (26,5 dəfə az) təşkil edib.

Bu il yanvarın 1-nə "Viator Mikrokredit Azərbaycan"ın aktivləri 10,29 milyon manat olub ki, bu da illik müqayisədə 21,3 % çoxdur. Bunun 9,266 milyon manatı müştərilərə verilmiş kreditlərdir. 2025-ci ildə BOKT-un kredit portfeli 19,2 % böyüyüb.

Hesabat dövründə "Viator Mikrokredit Azərbaycan"ın öhdəlikləri 62,1 % azalaraq 4,012 milyon manata düşüb, balans kapitalı isə 4,5 % artaraq 6,278 milyon manata çatıb.

Xatırladaq ki, "Viator Mikrokredit Azərbaycan" 2002-ci ildə yaradılıb. Onun nizamnamə kapitalı 694 min manatdır. BOKT-un təsisçisi Norveçin "Viator AS" missioner təşkilatıdır.

Oxşar xəbərlər

"Nas Project" BOKT-un xalis mənfəəti 11 % azalıb

"TCF" BOKT-un aktivləri 2 dəfədən çox azalıb

MCB BOKT-un xalis mənfəəti 7 %-dən çox azalıb

"Caspian İnvest" BOKT maliyyə vəziyyətini açıqlayıb

"M Bulak" BOKT-un xalis mənfəəti 40 %-ə yaxın azalıb