Böyük Britaniyada qanunsuz miqrantların otellərdə yerləşdirilməsi praktikasına qarşı etirazlar daha da genişlənib.

“Report” xəbər verir ki, bu barədə “The Daily Telegraph” məlumat yayıb.

Məlumata görə, iyulun 26-da İngiltərənin şərqindəki Norviç şəhərində etiraz aksiyaları keçirilib. Əllərində Britaniya bayraqları olan yüzlərlə insan qanunsuz miqrantların qaldığı otellərdən birinin qarşısına toplaşaraq, onun bağlanmasını tələb ediblər.

Oxşar etirazlar Lids, Nottinqemşir və Sauthemptonda (Hampşir) də keçirilib. Bildirilir ki, bəzi hallarda miqrantları müdafiə edən qruplar etirazçılara yaxınlaşmağa çalışsalar da, polis toqquşmaların qarşısını almaq üçün onları kənara çəkib.

İyulun 27-də ölkənin cənubunda Bornmut (Dorset) və Sauthempton, Satton-in-Eşfild (Nottinqemşir), Vulverhempton (Qərbi Midlends), Oltrinqem (Böyük Mançester) və Epping (Esseks) şəhərlərində yeni etiraz aksiyalarının keçirilməsi planlaşdırılır.

İyulun ortalarında Eppinqdə baş verən insidentdən sonra etirazlar daha da güclənir. Şəhərdə yaşayan 38 yaşlı efiopiyalı qaçqın 14 yaşlı qıza cinsi təcavüzdə təqsirləndirilib. Bundan sonra onlarla insan miqrantların qaldığı otelin qarşısına toplaşaraq, onun bağlanmasını tələb ediblər. Etiraz aksiyaları bir neçə gün davam edib, 18 nəfər saxlanılıb, onlardan 7-ə ittiham irəli sürülüb.

Oxşar xəbərlər

Britaniyada qeyri-qanuni mühacirlərin otellərə yerləşdirilməsinə qarşı etirazlar davam edir

Britaniyada iğtişaşlar zamanı 90-dan çox insan həbs edilib

Tailandda hakimiyyətə qarşı etirazlar başlayıb

Britaniya qanunsuz miqrantların sayına görə Avropada birinci yerdədir

ABŞ-də İlon Mask və "Tesla"ya qarşı etirazlar keçirilib