İslam İnqilabı Keşikçiləri Korpusu (SEPAH) 25 gəminin Hörmüz boğazından keçidinə icazə verib.

"Report" xəbər verir ki, bu barədə SEPAH-ın "Telegram" kanalında məlumat paylaşılıb.

"Hər hansı pozuntunun qarşısı sərt şəkildə alınacaq", - məlumatda bildirilib.

SEPAH-ın Hərbi Dəniz Qüvvələrindən vurğulanıb ki, Hörmüz boğazına nəzarət tam qətiyyətlə həyata keçirilir.

Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb və bir sıra şəhərlərə hava zərbələri endirilib. Həmin gün zərbələr nəticəsində İranın Ali rəhbəri Əli Xamenei öldürülüb. İran buna cavab olaraq İsrail ərazisinə və Fars körfəzi ölkələrindəki ABŞ hərbi bazalarına hücum edib.

İran, ABŞ və onların müttəfiqləri aprelin 8-ə keçən gecə atəşkəs razılaşmasına nail olublar. Tramp sonradan atəşkəsi qeyri-müəyyən müddətə uzadıb.

Tərəflər münaqişəni həll etmək üçün Pakistanda danışıqlar aparıblar, lakin 11-12 apreldə keçirilən ilk raund heç bir nəticə verməyib.

ABŞ Tehrana təzyiq göstərmək üçün İran limanlarını və Hörmüz boğazından keçidi blokadaya alıb. İran da öz növbəsində Fars körfəzinə gedən gəmilər üçün Hörmüz boğazının bağlandığını elan edib. Regionda dinamik şəkildə dəyişən vəziyyət qlobal enerji böhranına səbəb olub.

Oxşar xəbərlər

İran Hörmüz boğazı vasitəsilə Fars körfəzində təhlükəsizliyi təmin etmək istəyir

İran ordusunun generalı: ABŞ quru əməliyyatına cürət etməyib

İran SELEN konteyner gəmisini Hörmüz boğazına yerləşdirib

İran ABŞ sanksiyalarını dəstəkləyən ölkələrin gəmilərinin Hörmüzdən keçidini bloklayacaq

Pezeşkian: Dəniz blokadası İrana qarşı hərbi əməliyyatın davamıdır