Hindistanın şimalında yerləşən Laxnau şəhərində hazırlıq kurslarının fəaliyyət göstərdiyi binada baş verən güclü yanğın nəticəsində azı 13 nəfər ölüb.

Bu barədə NDTV yerli polisə istinadən məlumat yayıb.

Məlumata görə, hadisə bazar ertəsi Laxnau şəhərinin Aliganj rayonunda qeydə alınıb. Alovun sürətlə yayılması səbəbindən binada çoxlu sayda insan köməksiz vəziyyətdə qalıb. Şahidlərin sözlərinə görə, bəzi tələbələr xilas olmaq üçün binanın birinci mərtəbəsindən tullanmağa məcbur olublar.

Yanğın bir saatdan çox davam edib və yalnız bundan sonra nəzarət altına alınıb. Hadisə yerində aparılan axtarışlar zamanı azı 13 nəfərin meyiti aşkarlanıb. Yerli media ölənlərin sayının çox olduğunu və onların əksəriyyətinin tələbələr olduğunu bildirir.

Binada hazırlıq mərkəzi ilə yanaşı ticarət obyektlərinin də yerləşdiyi qeyd olunur.

Hadisə ilə bağlı açıqlama verən Uttar-Pradeş ştatının baş naziri Yoqi Adityanath həlak olanların ailələrinə başsağlığı verib.

O, həmçinin aidiyyəti qurumlara zərərçəkmiş ailələrlə dərhal əlaqə saxlanılması və yaralananlara ən yüksək səviyyədə tibbi yardım göstərilməsi barədə göstəriş verib.

Yanğının səbəbləri araşdırılır.

Oxşar xəbərlər

Moskvada inzibati binada güclü yanğın baş verib, 60 nəfər təxliyə edilib

Hindistanda hoteldə baş verən yanğında azı 14 nəfər həlak olub

Moskvada binada yanğın olub, ölənlər və yaralananlar var

Rusiyada inzibati binada baş verən yanğında 5 nəfər ölüb

Sumqayıtda binada yanğın olub