Azərbaycanın "Odlar yurdu" şahmat komandasının üzvləri növbəti yarışlarda daha yaxşı nəticələr qazanmaq üçün çalışacaqlar.

Bu barədə "Report"a komandanın üzvü Vüqar Manafov açıqlama verib.

O, Honq Konqda komandalar arasında təşkil olunmuş rapid və blits üzrə dünya çempionatı haqqında fikirlərini bölüşüb:

"Yarış çox maraqlı keçdi. Komandamızda gözəl ab-hava var idi. Bütün şahmatçılar qələbə qazanmaq istəyirdi. Yarışda güclü komandalara qalib gəldik. Maqnus Karlsenin çıxış etdiyi "WR Chess" kollektivini də üstələdik. Bu nəticəyə görə komanda yoldaşlarıma təşəkkür etdim. Hamımız əla oynadıq. Növbəti yarışlarda bundan da yaxşı nəticələr qazanmaq üçün çalışacağıq".

V.Manafov altıncı lövhədə ən yüksək nəticəyə görə qızıl medala layiq görülməsi ilə bağlı da danışıb:

"Komandadakı şahmatçıların hər birinə güvəndiyim üçün bu nəticəni qazana bildim. Ölkəmizi təmsil etdiyimizə görə fəxr edirik. Bu medala görə görə komanda yoldaşlarıma minnətdaram.

Xatırladaq ki, "Odlar Yurdu" blits üzrə turnirin 1/8 finalında Özbəkistana məğlub olub. Komanda rapid üzrə mübarzədə isə 15 xalla 11-ci yeri tutub.

Oxşar xəbərlər

Azərbaycan millisinin üzvü: "Avropa çempionatına vəsiqə qazanmağa çalışacağıq"

Azərbaycanın "Odlar yurdu" komandası şahmat üzrə dünya çempionatında mübarizə aparacaq

Azərbaycan şahmatçısı Aydın Süleymanlı dünya çempionu Maqnus Karlseni məğlub edib

Azərbaycan şahmatçısı Aydın Süleymanlı dünya çempionu Maqnus Karlseni məğlub edib - FOTO

Avropa ikincisi olan Azərbaycan ağırlıqqaldıranı: "Məqsədim növbəti yarışlarda himnimizi səsləndirməkdir"