Doktoranturaya qəbul olmaq istəyən namizədlər və doktoranturada oxuyan iddiaçılar xarici dillər üzrə imtahana buraxılış vərəqəsini çap edə bilərlər.

Bu barədə APA-ya Dövlət İmtahan Mərkəzindən məlumat verilib.

Bildirilib ki, namizədlər və iddiaçılar “İmtahana buraxılış vərəqəsi”ni bu linkdən çap edə bilərlər.

"Xarici dillər üzrə doktoranturaya qəbul imtahanı kağız daşıyıcılar vasitəsilə, doktoranturada oxuyan iddiaçıların xarici dillər üzrə fəlsəfə doktoru imtahanı isə elektron formada keçiriləcək.

Qeyd edək ki, namizəd imtahana gələrkən şəxsiyyətini təsdiq edən sənədin əslini və “İmtahana buraxılış vərəqəsi”ni mütləq gətirməlidir.

Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, namizəd imtahana buraxılmır",- məlumatda qeyd edilib.

Qeyd edək ki, iyunun 25-də namizədlərin xarici dillər üzrə doktoranturaya qəbul və doktoranturada oxuyan iddiaçıların xarici dillər üzrə fəlsəfə doktoru imtahanı keçiriləcək.

Oxşar xəbərlər

Magistraturaya qəbul imtahanın II cəhdi keçiriləcək

Bu gün dövlət qulluğuna qəbul üzrə test imtahanları keçiriləcək

DİM: Həftəsonu sürücülərin növbəti imtahanı olacaq

Prokurorluq orqanlarında işə qəbul olunmaq istəyənlər üçün imtahan keçiriləcək

Bu gün 900-dən çox namizəd rezidenturaya qəbul imtahanının 2-ci mərhələsində iştirak edəcək