İrana qarşı hərbi hücumun yenidən baş verəcəyi təqdirdə, müharibə bu dəfə regiondan kənara çıxacaq.

APA-nın Tehran bürosunun məlumatına görə, bu barədə İslam İnqilabı Keşikçiləri Korpusu (SEPAH) bəyanat yayıb.

SEPAH-ın bəyanatında İsrail və ABŞ-ın son təhdidlərinə toxunulub. Bildirilib ki, dünyanın ən bahalı orduları hesab edilən iki ordunun bütün imkanları ilə İrana hücum etmələrinə baxmayaraq, Tehran SEPAH-ın bütün potensialını işə salmayıb.

Bəyanatda vurğulanıb ki, İrana qarşı təcavüz yenidən təkrarlanarsa, əvvəllər vəd edilən regional müharibə bu dəfə regionun hüdudlarını aşacaq və İranın zərbələri “gözlənilməyən məkanlarda” həyata keçiriləcək.

“Gücümüzü boş bəyanatlarda və sosial şəbəkələrdə deyil, döyüş meydanında görəcəksiniz”, - bəyanatda deyilir.

Oxşar xəbərlər

İsrailin İrana endirdiyi zərbələr nəticəsində SEPAH-ın briqada generalı öldürülüb

SEPAH İranın qərbində hərbi təlimlər keçirir

SEPAH generalı Suriyada öldürülüb

SEPAH: İsrail hərbi reaksiya verərsə sarsıdıcı cavabla üzləşəcək

İsrail Suriyada SEPAH komandirlərinin olduğu binanı hədəfə alıb