ABŞ İrana qarşı hərbi əməliyyatlar zamanı qırıcı təyyarələr, dronlar, yanacadoldurma təyyarələri və xüsusi təyinatlı təyyarələr də daxil olmaqla 42 uçuş aparatı itirib.

"Sizinxeber.az"un xəbərinə görə, bu məlumat ABŞ Konqresinin Tədqiqat Xidmətinin hesabatında yer alıb.

Ən əhəmiyyətli itkilər "MQ-9A Reaper" hücum dronları olub. Onlardan 24-ü məhv edilib. MQ-9A kəşfiyyat və zərbə missiyaları üçün geniş istifadə olunur. Hər bir pilotsuz təyyarənin qiyməti 56 milyon dollardan çoxdur. ABŞ Hərbi Dəniz Qüvvələrinin bir "MQ-4C Triton" kəşfiyyat dronu Fars körfəzində naməlum səbəbdən qəzaya uğrayıb.

Üç ədəd F-15E qırıcısı səhvən, daha biri isə İran üzərində vurulub. Bundan əlavə, bir ədəd F-35A qırıcısı da zədələnib və daha bir ədəd A-10 hücum təyyarəsi itirilib.

Bir ədəd "E-3 Sentry AWACS" uzaq mənzilli radar aşkarlama və idarəetmə təyyarəsi İranın zərbəsi nəticəsində yerdə məhv edilib. Hərbi kampaniya zamanı yeddi ədəd KC-135 yanacaqdoldurma təyyarəsi ciddi şəkildə zədələnib, onlardan biri qəzaya uğrayıb, altı heyət üzvü həlak olub.

Hesabatda həmçinin iki ədəd MC-130J xüsusi əməliyyat təyyarəsinin yerdə məhv edildiyi və bir ədəd HH-60W helikopterinin atəş nəticəsində zədələndiyi bildirilir.

Oxşar xəbərlər

Səudiyyə Ərəbistanının şərqində daha 30 İran dronu zərərsizləşdirilib

İran müharibə başlayandan İsrail və ABŞ-nin 127 dronunu zərərsizləşdirib

İran 53-cü hücum dalğasına başladı

694-cü gün: Rusiyanın itkiləri açıqlandı

ABŞ-nin bombardmançı təyyarələri Britaniyada bazadan yeni təlim uçuşları keçirib