ABŞ Prezidenti: Kiyev Putinə Ukraynanı bombalamaq üçün bəhanə verdi

ABŞ Prezidenti Donald Tramp Ukraynada davam edən müharibə və sülh danışıqları ilə bağlı bir sıra sərt açıqlamalar verib.

APA xəbər verir ki, bu barədə "Clash Report" məlumat yayıb.

Tramp bildirib ki, Ukraynanın son hücumları Rusiya Prezidenti Vladimir Putinə onları bombalamaq üçün bəhanə verib.

“Dünən axşam Ukrayna elə bir addım atdı ki, Putinə onları bombalamaq üçün bəhanə verdi. Bu, mənim xoşuma gəlmədi. SBU-nun Rusiya aerodromlarına hücumu barədə məlumat aldıqda, dedim ki, vəssalam, indi cavab zərbəsi gələcək”, – deyə Tramp vurğulayıb.

ABŞ Prezidenti ümid etdiyini bildirib ki, müharibə nüvə münaqişəsinə çevrilməyəcək.