Dayanıqlı İnkişaf Məqsədlərinə nail olmaq davamlı urbanizasiya olmadan mümkün deyil.

Sizinxeber.az xəbər verir ki, bunu BMT Baş katibinin müavini Əminə Məhəmməd Ümumdünya Şəhərsalma Forumunun 13-cü Sessiyasının (WUF13) bağlanış mərasimində çıxışında deyib.

Onun sözlərinə görə, mənzil bütün böyük qlobal çağırışların birləşdiyi nöqtədir, bu, əlçatanlıq, təhlükəsizlik və sosial təminat məsələsidir.

BMT nümayəndəsi bildirib ki, bu imkanların təmin olunması səhiyyə, təhsil, yoxsulluğun aradan qaldırılması, gender bərabərliyi, iqlim dayanıqlılığı və sosial inklüzivliyi də gücləndirir.

O vurğulayıb ki, forum çərçivəsində mənzil məsələsi inkişaf, iqtisadiyyat və insan hüquqları mövzusu kimi müzakirə olunub: “Mənzil Dayanıqlı İnkişaf Məqsədlərinə nail olunmasını sürətləndirən əsas amillərdən biridir”.

Baş katibin müavini qeyd edib ki, böhrana baxmayaraq, şəhər və kənd planlaşdırılmasının Dayanıqlı İnkişaf Məqsədləri ilə inteqrasiyası sahəsində mühüm irəliləyişlər əldə olunub.

Onun sözlərinə görə, bu miqyaslı böhran böyük həmrəylik və əməkdaşlıq tələb edir: “Biz çoxtərəfli əməkdaşlıq üçün çətin bir dövrdə yaşayırıq. BMT Nizamnaməsinin prinsipləri təzyiq altındadır, gərginlik artır, etimad zəifləyir və parçalanma sürətlənir”.

Bununla belə, BMT nümayəndəsi Bakıda nümayiş olunan əməkdaşlıq modelini yüksək qiymətləndirib.

Oxşar xəbərlər

BMT Baş katibinin müavini: WUF urbanizasiya üzrə əsas qlobal platforma olaraq qalır, Bakıdan qətiyyətlə ayrılırıq

Anar Quliyev: WUF13-ə ev sahibliyi Azərbaycan üçün böyük şərəf və ciddi məsuliyyətdir

Komitə sədri: WUF13 göstərdi ki, mənzil davamlı inkişafın əsasını təşkil edir

Nazir: Anqola dayanıqlı şəhər inkişafı üçün mənzil proqramlarını genişləndirir

Komitə sədri: WUF13 dayanıqlı inkişafa ortaq öhdəliyi əks etdirən bir platformaya çevrilib