ABŞ və İran arasında davam edən danışıqlarda tərəflər mümkün razılaşmaya daha da yaxınlaşıblar, lakin sənədin nə vaxt imzalanacağı hələ də qeyri-müəyyən olaraq qalır.

Bu barədə Reuters agentliyi məlumat yayıb.

Məlumata görə, ABŞ Prezidenti Donald Tramp və vasitəçi rolunu oynayan Pakistan tərəfi ilkin çərçivə sazişinin bazar günü imzalana biləcəyini bildirsələr də, Tehran bu prosesin vaxtı ilə bağlı ehtiyatlı mövqe sərgiləyib. İran Xarici İşlər Nazirliyinin sözçüsü İsmayıl Bəqai razılaşmanın məhz həmin gün imzalanacağını təsdiqləməyib, lakin bunun yaxın günlərdə baş verə biləcəyini istisna etməyib.

Reuters yazır ki, Qətərdən olan vasitəçilər bazar günü səhər Tehrana səfər edərək danışıqların yekunlaşdırılması istiqamətində səyləri davam etdiriblər. Bununla yanaşı, İsrailin Beyrutun cənubundakı Dahiya bölgəsinə endirdiyi zərbələr prosesin gedişinə mənfi təsir göstərib. İran rəsmisi Məhəmməd Baqir Qalibaf bildirib ki, bu hücumlar ABŞ-ın öhdəliklərini yerinə yetirmək iradəsi və imkanları ilə bağlı suallar yaradır.

Oxşar xəbərlər

Fars: İran ABŞ-la razılaşmanın heç bir mətnini hələ təsdiqləməyib

ABŞ və İran razılaşması bu gün imzalana bilər

ABŞ və İran rəsmiləri razılaşmanı virtual imzalanmağa hazırlaşır

Tramp: ABŞ və İran sazişin imzalanmasına çox yaxındır

Bəqai: İranla ABŞ arasında yekun razılaşma ilə bağlı hələ nəticə əldə olunmayıb