ABŞ Prezidenti Donald Tramp İsrailin bu gün Livanın paytaxtı Beyruta hava hücumlarını pisləyib.

"Sizinxeber.az"un məlumatına görə, o, bununla bağlı "Truth Social" sosial şəbəkəsində yazıb.

"Beyruta bugünkü hücum baş verməməli idi, xüsusən İranla sülh müqaviləsinə çox yaxın olduğumuz belə bir xüsusi gündə. İsrailin təhdidlərə qarşı özünü müdafiə etmək hüququ var, lakin cavab verdiyi hücum çox kiçik və mənasız idi, heç kim zərər çəkməyib, yaralanmayıb və ya ölməyib və bu vacib prosesi pozmamalıdır", - ABŞ lideri vurğulayıb.

Onun sözlərinə görə, Vaşinqton və Tehran Livan da daxil olmaqla, regiona sülh gətirəcək bir razılaşmaya yaxınlaşıblar: "Bütün tərəflər geri çəkilməlidir. İsrail artıq Livandakı heç bir hədəfə zərbə endirməməlidir və "Hizbullah" da daxil olmaqla, heç bir tərəf İsrailə daha zərbə endirməməlidir. Bu, uzun və gözəl bir sülhün başlanğıcı ola bilər - gəlin bunu qaçırmayaq!"

İran parlamentinin sədri Məhəmmədbaqer Qalibaf daha əvvəl bildirib ki, İsrailin Beyrutun ətrafındakı Dahiya rayonuna hücumlarından sonra ABŞ ilə danışıqların davam etdirilməsindən danışmaq mümkün deyil.

Bu gün İsrailin Müdafiə Ordusu qruplaşmanın İsrail ərazisini atəşə tutmasına cavab olaraq Beyrutun Dahiya rayonunda "Hizbullah"ın obyektlərinə zərbələr endirib. Bu gün ABŞ ilə imzalanacaq memorandumun bir hissəsi olaraq, İran tərəfinin əsas şərtlərindən biri İsrailin Livana hücumlarını dayandırmasıdır.

Oxşar xəbərlər

Makron: İsrailin Beyruta endirdiyi zərbələr atəşkəsi pozur

"Axios": Ağ Ev İsrailin Beyruta hücum etməsinə icazə verməyib

İsrail Beyruta yenidən zərbə endirib

Tramp: İsrail və "Hizbullah" atəşkəs barədə razılığa gəlib

İsrail Beyruta yenidən zərbə endirib, ölən və yaralananlar var - YENİLƏNİB