"Hazırda dünyada müsəlmanlara qarşı baş verən insidentlərin 17 faizi şiddətlə müşahidə olunur. Onlar təhsil və səhiyyə sahəsində ciddi diskriminasiyalarla üz-üzə qalıb".

APA xəbər verir ki, bunu Bakıda təşkil olunan "İslamofobiya: Qərəzin ifşa olunması və stiqmaların dağıdılması" adlı beynəlxalq tədbirdə İslam Tarix, Sənət və Mədəniyyət Araşdırmaları Mərkəzinin rəhbəri Mahmut Erol Kılıç deyib.

"Müsəlman qrupları da dünyada müsəlman mədəniyyəti və tarixinə qarşı qərəzli yanaşma ilə üz-üzə qalıb. Bu hallar BMT Baş Assambleyasının, eləcə də İslam Konfransı Təşkilatının sənədlərində də dəfələrlə vurğulanıb. BMT baş katibinin yeni nümayəndəsinin başlıca vəzifəsi islamofobiya meyllərinə qarşı mübarizə olacaq. Bu amilin İslam Konfransı Təşkilatına üzv dövlətlərdə daha da gücləndirilməsi başlıca vəzifədir. Bir faktı da diqqətə çatdırım ki, bəzi ölkələrin dövlət orqanlarında islam atributlarından istifadə qadağan edilib. Bunun da əsas təzahürü ayrı-seçkilik və qeyri-tolerant yanaşmadır. Bu əsnada proaktiv komponentlərdən biri İslam dini və mədəniyyətinin daha fərqli, eləcə də obyektiv təqdim olunmasıdır. Belə hesab edirəm ki, biz ksenofobiya və islamofobiya ilə mübarizə meyllərini yox edə bilərik. Öz növbəmizdə bu işə töhfə verməyə hazırıq", - o əlavə edib.

Oxşar xəbərlər

BMT Baş katibinin xüsusi nümayəndəsi: İslamofobiya ilə mübarizənin bir aləti də təhsil olmalıdır

İcraçı direktor: İslamofobiyaya həsr edilmiş konfrans çıxış yollarının tapılması üçün imkandır

Prezident İlham Əliyev: Azərbaycan islamofobiya ilə mübarizəyə dair BMT-nin qətnamələrini alqışlayır

Ramin Məmmədov: İslamofobiyaya qarşı mübarizə onu pisləməklə tükənməməli, kökləri məhv edilməlidir

Prezident: Bəzi təsisatlar qərəz və ikili standartlara üstünlük verərək anti-müsəlman əhvali-ruhiyyəsini təlqin edirlər