İran Prezidenti Məsud Pezeşkian bildirib ki, Tehran ABŞ-la imzalanmış memorandum çərçivəsində üzərinə götürdüyü öhdəlikləri yerinə yetirəcək, lakin Vaşinqtona etibar etmir.

Sizinxeber.az xəbər verir ki, Pezeşkian bu barədə Pakistanın Baş naziri Şahbaz Şəriflə görüşü zamanı danışıb.

“Ballistik raketlərlə bağlı ABŞ-la heç bir danışıqlar aparılmayıb və aparılmayacaq. Biz ABŞ-a etibar etmirik, çünki danışıqlar prosesində iki dəfə hücuma məruz qalmışıq. Bununla yanaşı, biz hər zaman dialoqa və sülhə hazır olmuşuq və hazırıq”, – deyə İran Prezidenti bildirib.

Pezeşkian vurğulayıb ki, İran “qanunsuz və qeyri-humanist” tələblər qarşısında geri çəkilmək niyyətində deyil.

“Biz heç vaxt qanunsuz və qeyri-humanist tələblər qarşısında baş əyməyəcəyik”, – deyə o qeyd edib.

İran Prezidenti əlavə edib ki, ölkəsi regional sabitliyin və qarşılıqlı hörmətə əsaslanan dialoqun tərəfdarı olaraq qalır.

Oxşar xəbərlər

Pezeşkian: ABŞ-ın İranın nüvə obyektlərinə endirdiyi zərbələr cavabsız qalmayacaq

Pezeşkian: İran dinc məqsədli nüvə enerjisini inkişaf etdirmək hüququndan imtina etməyəcək

Pezeşkian: İran qarşılıqlı dialoq yolu ilə hər zaman razılığa gəlməyə hazır olub

İran Prezidenti ABŞ ilə bərabərhüquqlu dialoqa hazır olduğunu bəyan edib

Məsud Pezeşkian Pakistanda İslam ölkələrinə çağırış edib