Bu gün dünya iqtisadiyyatında rəqabətin forması dəyişir.

"Report" xəbər verir ki, bunu rəqəmsal inkişaf və nəqliyyat nazirinin müavini Rəşad Həsənov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında - "Kraudfandinq haqqında", eləcə də bir sıra qanunlarda dəyişiklik edilməsi ilə bağlı qanun layihəsinin müzakirəsi zamanı bildirib.

"Əgər əvvəllər ölkələr əsasən təbii sərvətlər və sənaye istehsalı üzərində rəqabət aparırdılarsa, bu gün rəqabətin mərkəzində texnologiya, innovasiya və insan kapitalı dayanır. Süni intellekt, məlumat mərkəzləri, rəqəmsal platformalar və yüksək texnologiyalar artıq sadəcə iqtisadiyyatın bir sahəsi deyil. Onlar iqtisadi artımın əsas hərəkətverici qüvvələrindən birinə çevriliblər. Bu kontekstdə Azərbaycanın qarşısına qoyduğu strateji məqsədlərdən biri də regionun aparıcı rəqəmsal mərkəzlərindən birinə çevrilməkdir. Son illər ərzində bu istiqamətdə mühüm nəticələr əldə olunub - Rəqəmsal infrastruktur genişləndirilib, internet əlçatanlığı artırılıb, dövlət xidmətlərinin rəqəmsallaşdırılması istiqamətində ciddi addımlar atılıb, yeni məlumat mərkəzlərinin yaradılmasına başlanılıb", - deyə o qeyd edib.

Bununla belə, nazir müavini deyib ki, güclü rəqəmsal infrastruktur vacib olsa da, təkbaşına kifayət deyil: "Əgər biz həqiqətən regional rəqəmsal mərkəz olmaq istəyiriksə, texnologiya şirkətləri, investorlar və yüksəkixtisaslı mütəxəssisləri Azərbaycana cəlb etmək üçün institutsional mühiti də daim inkişaf etdirməliyik. Bu gün Azərbaycanda texnologiya şirkəti yaratmaq, investisiya yatırmaq və ya yüksək ixtisaslı mütəxəssis işə götürmək baxımından xüsusi üstünlük yaradan hüquqi və iqtisadi mexanizmlər kifayət qədər deyil. Məhz buna görə bu gün təqdim olunan qanunvericilik paketi rəqəmsal transformasiyaya yalnız texniki modernləşmə deyil, innovasiya əsaslı iqtisadiyyata keçidin hüquqi, iqtisadi və institusional əsaslarını formalaşdırmağa xidmət edən sistemli islahatdır".

Oxşar xəbərlər

Azərbaycanda rəqəmsal transformasiyanın əsas şərti açıqlanıb

Agentlik rəsmisi: "Rəqəmsal transformasiyanın mərkəzində insan kapitalı dayanır"

Milli Məclisə “Kraudfandinq haqqında” qanun layihəsi daxil olub

Səməd Bəşirli: "Azərbaycan Orta Dəhlizin mərkəzində regional ticarət qovşağıdır"

Azərbaycanda yüksəksürətli interneti olan təsərrüfatların sayı 3 milyona çatıb