Bakının Sabunçu qəsəbəsinin Əliyar Əliyev küçəsini Xətai rayonunun Rövlan Məmmədov küçəsi ilə əlaqələndirən 22 nömrəli marşrutda istismar olunan bütün avtobuslar yenilənir.

"Sizinxeber.az" bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.

Məlumata görə, marşrut xəttində avtobusların bir qismi ötən ilin sentyabrında yenilənmişdi. Daşıyıcı tərəfindən yeni avtobuslar gətirilərək xəttə əlavə olunur.

İyunun 17-dən marşrut üzrə 14 müasir, ekoloji cəhətdən təmiz CNG texnologiyası ilə təchiz olunan "King Long" markalı avtobus sərnişinlərin xidmətində olacaq.

Avtobuslarda ödəniş nağdsız qaydadadır. Gedişhaqqı 0,60 manat müəyyən edilib.

Oxşar xəbərlər

53 nömrəli şəhərdaxili marşrut üzrə bütün avtobuslar yenilənir

Bakıda daha bir marşrut xəttində avtobuslar yenilənir

AYNA: Bakıda 165 nömrəli marşrutun avtobusları yenilənir

Bakıda bu iki marşrutun bütün avtobusları yenilənir

Sərnişinlərin NƏZƏRİNƏ: 104 nömrəli marşrutun avtobusları yenilənir