Azərbaycanda rəqəmsal audit sisteminin yaradılması prioritetlər sırasındadır.

"Report" xəbər verir ki, bunu Hesablama Palatasının auditoru Hilal Hüseynov İslam İnkişaf Bankı (İsDB) Qrupunun 51-ci İllik Toplantıları çərçivəsində Palatanın təşkilatçılığı ilə "Davamlı Regional İnteqrasiya üçün Rəqəmsal Dövlət Auditi" mövzusunda keçirilən tədbirdə deyib.

Auditorun sözlərinə görə, Hesablama Palatasının 2026-2030-cu illəri əhatə edən Strateji İnkişaf Planı çərçivəsində ictimai audit informasiya sisteminin yaradılması, Big Data alətlərinin tətbiqi və rəqəmsal audit imkanlarının genişləndirilməsini əsas prioritetlərdən biri kimi müəyyən edib: "Rəqəmsal transformasiya sahəsində dayanıqlı infrastrukturun formalaşdırılması dörd əsas istiqamətə söykənir: elektron imza, elektron hökumət, yeni texnologiyaların tətbiqinin dəstəklənməsi, eləcə də informasiya və kibertəhlükəsizlik. Azərbaycanda rəqəmsal transformasiyanın təməli 2004-cü ildə "Elektron imza və elektron sənəd haqqında" qanunun qəbul edilməsi ilə qoyulub. Sənədlərin hüquqi baxımdan kağız versiyalarına bərabər tutulması və onların elektron qaydada təsdiqlənməsi rəqəmsal inkişaf yolunun başlanğıcı olub".

Oxşar xəbərlər

Hesablama Palatası auditdə süni intellektin tətbiqinə hazırlaşır

Nəsir Sadıqov: "Süni intellekt və bulud texnologiyaları dövlət auditində yeni imkanlar yaradır"

Ali audit sahəsində rəqəmsal Dayanıqlı İnkişaf Məqsədləri paneli hazırlanıb

Vüqar Gülməmmədov: "Dövlət auditinin əhatə dairəsi genişləndiriləcək"

Hesablama Palatası Elm və Təhsil Nazirliyində nöqsanlar aşkarlayıb