Türk Dövlətləri Təşkilatına üzv və müşahidəçi dövlətlərin iştirakçıları ilə Bakıda keçirilən "Üzgüçülük hamı üçün" layihəsinin final mərhələsinin açılış mərasimi olub.

"Report" xəbər verir ki, Bakı Su İdmanı Sarayında baş tutan tədbirdə gənclər və idman naziri Fərid Qayıbov, Azərbaycan Üzgüçülük Federasiyasının prezidenti Zaur Əliyev və digər rəsmi şəxslər iştirak ediblər.

F.Qayıbov çıxış edərək yarışa qatılan idmançılara uğurlar arzulayıb. O, turnirin üzgüçülük idman növünün təbliğində vacib rol oynadığını söyləyib.

Z.Əliyev də bu yarışın ölkə üçün əhəmiyyətini vurğulayıb. Federasiya prezidenti final mərhələsində iştirak edən idmançılara uğurlar arzulayıb.

Qeyd edək ki "Üzgüçülük hamı üçün" layihəsinin final mərhələsinə iyunun 5-də yekun vurulacaq.

Oxşar xəbərlər

Fərid Qayıbov: "Üzgüçülük hamı üçün" layihəsi bu idman növünün təbliğinə xidmət edir"

Fərid Qayıbov: "Sevindirici haldır ki, “Üzgüçülük hamı üçün” layihəsinin iştirakçılarının sayı artmaqdadır"

Fərid Qayıbov Avropa Üzgüçülük Federasiyasının prezidenti ilə görüşüb

Bakıda üzgüçülük üzrə “Parlaq Ulduz” Uşaq Liqasının III final mərhələsi keçiriləcək

Bakıda keçiriləcək beynəlxalq üzgüçülük turniri üçün müzakirələr aparılıb