İqtisadiyyat nazirinin birinci müavini Elnur Əliyevin başçılıq etdiyi Azərbaycan nümayəndə heyəti Sankt-Peterburq Beynəlxalq İqtisadi Forumunda iştirak edir.

Bu barədə "Report" Azərbaycanın Rusiyadakı səfirliyinə istinadən xəbər verir.

Forum çərçivəsində E.Əliyev Dağıstan Respublikasının rəhbəri vəzifəsini müvəqqəti icra edən Fyodor Şukin və hökumət sədri Maqomed Ramazanovla görüşüb.

"Tərəflər Azərbaycan və Dağıstan Respublikası arasında ticarət-iqtisadi və investisiya əməkdaşlığının inkişafı məsələlərini müzakirə ediblər. Azərbaycan və Dağıstan şirkətləri arasında aqrar sektorda əməkdaşlıq haqqında sazişlər imzalanıb", - diplomatik nümayəndəliyin məlumatında qeyd olunub.

Oxşar xəbərlər

Azərbaycan biznes nümayəndə heyəti Dağıstana səfərə dəvət edilib

Dağıstan hökumətinə rəhbərlik Məhəmməd Ramazanova həvalə edilib

Ramazanov Dağıstanın Baş naziri vəzifəsinə təsdiq edilib

Azərbaycan Dağıstanla ticarət və investisiya əməkdaşlığını möhkəmləndirilməsini müzakirə edib

Dağıstanın rəhbəri Sergey Melikov vəzifəsindən azad edilir