Qarabağ iqtisadi rayonunun ərazisində Bərgüşadçay su anbarının tikintisinə başlanılıb.

"Report"un Xankəndiyə ezam olunmuş müxbir xəbər verir ki, bunu jurnalistlərə açıqlamasında Azərbaycan Dövlət Su Ehtiyatları Agentliyinin (ADSEA) Regional Su Meliorasiya Xidmətinin Qarabağ Su Meliorasiya Sistemləri İstismar İdarəsinin rəisi Müşfiq Adıgözəlov bildirib.

Bundan başqa, onun sözlərinə görə, Laçın rayonundakı Zabuxçay su anbarı yenidən qurularaq istismara verilib, Füzuli rayonundakı Köndələnçay və Xaçınçay su anbarlarında bərpa işləri həyata keçirilib.

"İşğaldan azad edilmiş ərazilərdə su təsərrüfatı obyektlərinin böyük hissəsi dağıdılmış vəziyyətdə olub. Hazırda Qarabağ və Şərqi Zəngəzur iqtisadi rayonlarında su təchizatı sistemlərinin bərpası və yenidən qurulması istiqamətində genişmiqyaslı işlər davam etdirilir", - deyə o qeyd edib.

Melorasiya rəsmisi həmçinin deyib ki, Qarabağda suvarmada əsasən pivot və damcı texnologiyalarından istifadə olunur: "Açıq suvarma sistemləri isə yalnız bəzi kənd ərazilərində tətbiq edilir. Bu yanaşma su itkilərinin minimuma endirilməsinə və su ehtiyatlarından daha səmərəli istifadəyə imkan yaradır".

Oxşar xəbərlər

Zaur Mikayılov: "Azərbaycanda 7 magistral suvarma kanalının yenidən qurulması başa çatıb"

Qarabağ Su Meliorasiya Sistemlərinin İstismarı İdarəsinin rəisi: Bərgüşad çayı üzərində su anbarı tikiləcək

ADSEA: Hacıqabul gölünün ekoloji vəziyyəti bərpa ediləcək

Bu il Sərsəng Su Anbarının yenidən qurulmasına başlanılacaq

Xankəndidəki su və kanalizasiya kollektorları yenidən qurulacaq