Bolqarıstan Azərbaycan qazının Cənub-Şərqi Avropaya çatdırılması üçün layihəni tamamlayır.

"APA-Economics" xəbər verir ki, bunu 31-ci Bakı Enerji Forumu çərçivəsində keçirilən panel sessiyada Bolqarıstanın energetika nazirinin müavini Kiril Temelkov bildirib.

Onun sözlərinə görə, enerji təhlükəsizliyinin təmin olunması üçün əsas amillərdən biri enerji sistemləri arasında əlaqələrin gücləndirilməsi və mənbələrin şaxələndirilməsidir.

Kiril Temelkov qeyd edib ki, Bolqarıstan hazırda Şaquli Qaz Dəhlizinin tikintisini başa çatdırmaq üzrədir.

“Bu layihə mayeləşdirilmiş təbii qazın və alternativ mənbələrdən daxil olan qazın bütün Cənub-Şərqi Avropaya çatdırılması üçün mühüm imkan yaradacaq”, - o bildirib.

Nazir müavini vurğulayıb ki, regional interkonnektorların inkişafı enerji təhlükəsizliyinin gücləndirilməsinə və yeni enerji mənbələrinin Avropa bazarına çıxışına şərait yaradır.

Oxşar xəbərlər

Bolqarıstan rəsmisi: "Əsas hədəfimiz bərpa olunan enerjinin birbaşa təchizatı üçün əlaqə qurmaqdır"

Pərviz Şahbazov: Azərbaycan həm bu günün, həm də gələcəyin enerji təhlükəsizliyinə töhfə verir

Jeço Stankov: "Azərbaycan, Türkiyə, Gürcüstan və Bolqarıstan Cənub-Şərqi Avropaya yeni elektrik dəhlizi yaradacaq"

Moldovalı nazir: Azərbaycandan qaz idxalı enerji tələbatlarımızın təmin edilməsinə imkan verəcək

TAP ilə Avropaya 40 mlrd. kubmetr qaz nəql olunub