Azərbaycanda makroiqtisadi və makrofiskal sabitlik artıq uzun müddətdir təmin olunub.

"APA-Economics" xəbər verir ki, bunu iqtisadiyyat naziri Mikayıl Cabbarov Bakıda keçirilən İslam İnkişaf Bankının İllik Toplantıları çərçivəsində təşkil olunan dialoqda bildirib.

"Lakin mütləq və nisbi göstəricilərə baxdıqda, toplanmış fiskal ehtiyatların miqyası ölkənin ÜDM-dən də böyük olması bizə imkan verib ki, milli infrastrukturun modernləşdirilməsi mərhələsini nisbətən rahat şəkildə həyata keçirək. Eyni zamanda, azad edilmiş ərazilərə investisiyalar davam etdirilib. Qeyd üçün deyim ki, bu investisiyalar təxminən ölkə ÜDM-nin 3%-i həcmindədir. Bu isə digər inkişaf prioritetlərindən imtina etmədən həyata keçirilib", - deyə nazir qeyd edib.

O əlavə edib ki, bu böyük makro ehtiyat və fiskal idarəetmənin keyfiyyəti daha uzunmüddətli geri dönüşü olan investisiyalarda daha cəsarətli addımlar atmağa imkan verir.

Oxşar xəbərlər

Mikayıl Cabbarov: Azad edilmiş ərazilərin 80%-dən çoxu mineral resurslarla zəngindir

Mikayıl Cabbarov: İslahatlar investisiya mühitini gücləndirib və qeyri-neft ixracını stimullaşdırıb

Nazir: Qarabağ və Şərqi Zəngəzurun inkişafı Azərbaycanın əsas prioritetlərindəndir

Mikayıl Cabbarov: Azərbaycanın investisiya perspektivləri üç strateji üstünlük üzərində formalaşır

Nazir müşaviri: SDG-lərin maliyyə boşluğu illik 4 trilyon dollara çatıb