Azərbaycan Mərkəzi Bankının (AMB) İdarə Heyəti (İH) “Bankın sistem əhəmiyyətli bank kimi qiymətləndirilməsi Meyarları”nı təsdiqləyib.

“Sizinxeber.az” xəbər verir ki, bununla bağlı AMB-nin sədri Taleh Kazımov yeni qərar imzalayıb.

Qərara əsasən, bankın sistem əhəmiyyətliliyi aşağıdakı cədvəldə verilmiş göstəricilər vasitəsilə qiymətləndirilir:

Bundan başqa, bankın sistem əhəmiyyətliliyi aşağıdakı mərhələlər əsasında müəyyən edilir:

- hər bir bank üzrə sistem əhəmiyyətlilik indeksi hesablandıqdan sonra həmin indeks 420 baza bəndi ilə müqayisə olunur;

- yekun sistem əhəmiyyətlilik indeksinin nəticələri 420 baza bəndi və bundan yüksək olan banklar sistem əhəmiyyətli bankların siyahısına daxil edilir.

Sistem əhəmiyyətli bankların siyahısı hər il martın 1-nə qədər AMB-nin İH-nin qərarı ilə təsdiq edilir.

Sistem əhəmiyyətli bankların müəyyən edilməsi barədə qərar qəbul edildiyi tarixdən 5 iş günü ərzində bu barədə müvafiq banka və Maliyyə Nazirliyinə yazılı məlumat veriləcək və sistem əhəmiyyətli bankların siyahısı AMB-nin rəsmi internet səhifəsində dərc olunacaq.

AMB-nin Maliyyə bazarlarının hüquqi təminatı departamentinə bu Qərarın 3 gün müddətində Hüquqi Aktların Dövlət Reyestrinə daxil edilməsi üçün Ədliyyə Nazirliyinə təqdim edilməsi tapşırılıb.

Oxşar xəbərlər

Azərbaycanda sistem əhəmiyyətli banklarla bağlı meyarlar təkmilləşdirilir

IMF: Azərbaycanda sistem əhəmiyyətli banklar üçün kapital tələbi sərtləşdirilməlidir

IMF Azərbaycanın bank sektorunun daha dayanıqlı olması üçün 4 istiqamət təklif edib

Türkiyəli nazir: Dünyada ədalətli beynəlxalq sistem qurulmalıdır

Bayraktar: Dünyada sülhü təmin etməli olan beynəlxalq sistem işləmir