Bakı-Ağstafa-Bakı və Bakı-Qəbələ-Bakı marşrutları üzrə hərəkət edən qatarların sürəti tam bərpa edilib.

Bu barədə “Report” “Azərbaycan Dəmir Yolları” (ADY) QSC-yə istinadən xəbər verir.

Məlumata görə, oktyabrın 12-də bəzi bölgələrdə yağan leysan xarakterli yağışlar nəticəsində Pirsaat çayı öz məcrasından çıxıb və Hacıqabul rayonu ərazisindən sel keçib: “Nəticədə Hacıqabul stansiyasının ərazisinə də ciddi zərər dəyib və dəmiryol xətlərinin torpaq qatı yuyulub. Həmçinin, Hacıqabul dartı yarımstansiyasının həyətində sel suları ciddi fəsad törətdiyi üçün elektrikin verilməsində və rabitə-işarəvermə qurğularının fəaliyyətində fasilələr yaranıb”.

Hadisənin fəsadları aradan qaldırılanadək ötən həftənin sonundan Bakı-Ağstafa-Bakı və Bakı-Qəbələ-Bakı marşrutları üzrə hərəkət edən qatarların Sığırlı-Padar-Qarasu-Muğan-Hacıqabul sahəsində sürət həddi endirilib.

“Hərəkətin təhlükəsizliyi və fasiləsizliyinin təmin edilməsi üçün əraziyə xüsusi texnika və işçi qüvvəsi səfərbər olunub. Suyun istiqaməti dəyişdirilərək dəmir yolları sel sularından mühafizə edilib. Dəmiryol xətlərində möhkəmləndirmə işləri aparılıb, kontakt şəbəkə dayaqlarının dibləri doldurularaq bərkidilib, rels şpal çərçivələrinin yuyulmuş hissələrinə çınqıl tökülərək möhkəmləndirilib", - deyə ADY-nin məlumatında qeyd edilib.

Oxşar xəbərlər

Azərbaycanda sərnişin qatarlarında sürət həddi endirilib [xfgiven_updateblue][/xfgiven_updateblue]

ADY sərnişin qatarlarında sürət həddini endirib [xfgiven_updateblue][/xfgiven_updateblue]

Bakı-Ağstafa dəmir yolu marşrutu üzrə axşam reysləri təyin edilib [xfgiven_updateblue][/xfgiven_updateblue]

ADY Yeni il tətilində regionlara əlavə reyslər təyin edir [xfgiven_updateblue][/xfgiven_updateblue]

ADY: Bakı-Sumqayıt sərnişin qatarında texniki nasazlığa görə ləngimə yaranıb [xfgiven_updateblue][/xfgiven_updateblue]