İran ABŞ ilə sövdələşmə çərçivəsində gəmilərin Hörmüz boğazından keçməsi üçün ödəniş ala bilməyəcək.

"Report" "The Times of Israel"ə istinadən xəbər verir ki, bu barədə ABŞ dövlət katibi Marko Rubio Əbu-Dabiyə çatdıqdan sonra jurnalistlərə bildirib.

Onun sözlərinə görə, bu cür şərtlər beynəlxalq hüquq normalarına zidd olardı.

Daha əvvəl Oman və İran Hörmüz boğazında gəmiçiliyin gələcək idarə olunması, o cümlədən bu strateji əhəmiyyətli marşrutda dəniz xidmətləri və onlarla bağlı xərclər məsələsi üzrə müzakirələri davam etdirmək barədə razılığa gəliblər.

Maskatda keçirilən danışıqlardan sonra dərc olunan birgə bəyanatda hər iki ölkə müzakirələri davam etdirmək üçün iki ölkənin XİN-lərinin iştirakı ilə birgə işçi qrupunun yaradılacağını bildirib. Həmçinin qeyd olunub ki, Oman və İran bu məsələ ilə bağlı digər sahilyanı dövlətlər və maraqlı tərəflərlə məsləhətləşmələr aparacaq.

Oxşar xəbərlər

İran Hörmüz boğazından keçid üçün idarəetmə mexanizmi hazırlayıb

Bəqai: İran və Oman tezliklə Hörmüz boğazında gəmiçiliklə bağlı yeni qaydaları müzakirə edəcək

Oman və İran Hörmüz boğazı üzrə birgə işçi qrupu yaradacaq

Oman və İran Hörmüzdə sərbəst gəmiçiliyə sadiqdir

İran və Oman Hörmüz boğazı üzrə birgə işçi qrupu yaradacaq