Ölkə miqyasında tullantı suların və ətraf mühitin monitorinqi proqramının hazırlanması zamanı yaranan əsas çətinlik qərar qəbuletmədə institusional parçalanmadır.

"Sizinxeber.az" xəbər verir ki, bunu Azərbaycan Dövlət Su Ehtiyatları Agentliyinin Strategiya, beynəlxalq əməkdaşlıq və elm şöbəsinin rəisi Riad Axundzadə Bakıda keçirilən İslam İnkişaf Bankı (IsDB) Qrupunun 51-ci İllik Toplantıları çərçivəsində təşkil olunmuş panel müzakirələrində bildirib.

"Bütün ölkələrin müxtəlif agentlikləri və nazirlikləri var. Əlbəttə, bütün bu təşkilatların öz gələcək hədəfləri, büdcə ayırmaları, potensialı və nəticələr üzrə hesabat forması var. Bu, əsas çətinlikdir, lakin eyni zamanda belə bir platforma hər kəsin bir araya gələrək təcrübə mübadiləsi aparması və başqalarının səhvlərindən öyrənməsi üçün faydalı masa olması imkanıdır. Bu çətinliyi həll edərkən, düşünürəm ki, Asiya İnkişaf Bankı, IsDB, Avropa Yenidənqurma və İnkişaf Bankı kimi beynəlxalq maliyyə təşkilatları ilə çox yaxşı imkanlar var. Bu təşkilatlarla əməkdaşlıq vasitəsilə biz təkcə maliyyələşdirmə problemini həll etmirik, eyni zamanda beynəlxalq təcrübədən öyrənmək imkanı da əldə edirik. Həmçinin beynəlxalq standartlara uyğun monitorinq sistemi, hesabat sistemi və digərlər sistemləri qurmaq imkanımız olur",-deyə o qeyd edib.

Agentlik rəsmisi digər çətinliyin məhdud texniki potensial olduğuna şübhə etmir: "İnanıram ki, hər ölkədə bəzi təşkilatlar laboratoriya avadanlığı, monitorinq sistemləri, mühəndislərin sayı və potensialı ilə bağlı çətinliklərlə üzləşir. Azərbaycanda biz 2023-cü ildə yaradılmış yeni təşkilatıq. Lakin keçən il institutlarımızdan birində yeni magistratura proqramı yaratmaq imkanımız oldu. Bu, su ehtiyatlarının idarə edilməsi mühəndisləri üçün magistratura proqramıdır və gənc nəslə investisiya qoyaraq onları gələcək üçün imkana çevirmək, ölkələrin gələcəyi və ümumilikdə Yer kürəsi üçün daha yaxşı vəziyyət yaratmaq məqsədi daşıyır".

R. Axundzadə hesab edir ki, son çətinlik infrastruktur boşluğu ilə bağlıdır: "İnfrastruktur boşluğu, xüsusilə tullantı su sistemlərində, bir çox baxımdan ekoloji, ictimai səhiyyə və digərləri böyük çətinlikdir. Lakin bu çətinliyi düzgün həll edə bilsək, imkanlar yaradır. Hazırda texnoloji erada yaşayırıq, yəni süni intellektdən tutmuş təcrübə və səhvlərimizi paylaşa biləcəyimiz platformalara qədər çox qabaqcıl alətlərə sahibik. İnfrastruktur boşluqları ölkə üçün ən müasir və qabaqcıl sistemlərin qurulması üçün imkanlara gətirib çıxara bilər".

Oxşar xəbərlər

IsDB tullantı suları sahəsində informasiya boşluğunu aradan qaldırmağa çağırıb

CGIAR rəhbəri: "Tullantı sularının təmizlənməsi xərclərinin azaldılması üçün investisiyalar artırılmalıdır"

IsDB Qrupunun növbəti İllik Toplantılarına sədrlik Burkina-Fasoya ötürülüb

Asiya İnkişaf Bankı Orta Dəhlizin inkişafına dəstək verməyə hazırdır

Bakıda Ümumdünya İslam İqtisadçıları Proqramına start verilib