Orta Dəhlizin inkişafı sərhəd gecikmələrinin azaldılmasına, ticarət xərclərinin aşağı salınmasına və transsərhəd ödəniş tranzitinin asanlaşdırılmasına töhfə verməlidir.

"Report" xəbər verir ki, bunu Asiya İnkişaf Bankının (ADB) regional əməkdaşlıq və inteqrasiya şöbəsinin direktoru Jong Woo Kang Bakıda keçirilən İslam İnkişaf Bankı (IsDB) Qrupunun 51-ci İllik Toplantıları çərçivəsində təşkil olunmuş panel müzakirələrində bildirib.

Onun sözlərinə görə, regiondakı müxtəlif maraqlı tərəflər arasında müxtəlif növ infrastruktur layihələri və yumşaq infrastruktur əlaqələri vasitəsilə mümkün nəticələrin nə qədərinin təmin edə biləcəyi müəyyən edilməlidir: "Bu mənada, əsas fəaliyyət göstəriciləri əvvəlcədən müəyyən edilməli, sonra isə irəliləyişin hər bir addımı əvvəlcədən hazırlanmış meyarlar əsasında ölçülməlidir. Bu yolla biz ölçə biləri ki, nə qədər irəliləyiş əldə etmişik, daha nələr edilməlidir və hansı növ xarici maliyyələşdirmə cəlb olunmalıdır".

"Yaşıl istiqraz"ların və dayanıqlılıq istiqrazlarının emissiyasına dəstək baxımından çoxlu təcrübə topladıqlarını xatırladan ADB rəsmisi bunu Orta Dəhlizlə bağlı da reallaşdıra biləcələrini düşünür: "Orta Dəhliz layihəsini dəstəkləmək üçün regiondakı müxtəlif maraqlı tərəflərlə daha sıx əməkdaşlığı səbirsizliklə gözləyirəm".

Oxşar xəbərlər

Sahil Babayev: "Dünya və regiondakı proseslər Orta Dəhlizin artan əhəmiyyətini təsdiqləyir"

MCDF: Orta Dəhliz qlobal ticarətdə strateji əhəmiyyətini artırır

Rəhman Hümmətov: "Orta dəhliz infrastrukturunun prioritet şəkildə inkişafı zəruridir"

BADEA prezidenti: "KOM-lar hələ də öz sərhədləri daxilində məhdud qalır"

IsDB-nin İllik Toplantıları çərçivəsində Qlobal İslam İqtisadçıları Proqramına start verilib