Qayıqlarda olan naməlum silahlı şəxslər Yəmən sahillərində bir gəmiyə hücum ediblər.

Axar.az xəbər verir ki, bu barədə Britaniya Hərbi Dəniz Qüvvələrinin Dəniz Ticarət Əməliyyatları Mərkəzinin (UKMTO) məlumatında deyilir.

"UKMTO Yəmənin Ədən şəhərindən 105 dəniz mili şimal-şərqdə baş verən hadisə barədə məlumat alıb. Naməlum gəmiyə 4 metrə qədər yaxınlaşan iki kiçik qayıqdan atəş açılıb. Gəmidə naməlum sayda silahlı şəxs olub. Buna cavab olaraq gəmidə təhlükəsizlik tədbirləri görülüb və cavab atəşi açılıb. Qayığa hücum edənlər daha sonra təqibi dayandırıblar və gəmidən 4 dəniz mili qədər uzaqlaşıblar ", - deyə koordinasiya mərkəzi bildirib.

Qeyd edək ki, iyunun 15-də də Yəmən sahilində ticarət gəmisinə qumbaraatanla hücum olunmuşdu.

Oxşar xəbərlər

Yəmən sahillərində Britaniyaya məxsus gəmiyə hücum edilib

Yəmən sahillərində tanker qumbaraatanla atəşə tutulub

UKMTO Yəmən sahillərində insident barədə məlumat verib

Yəmən sahillərində naməlum şəxslər gəmini ələ keçirməyə cəhd ediblər

BƏƏ sahillərində mərmi ilə vurulan gəmidə yanğın baş verib