Azərbaycan Avropa İttifaqına (Aİ) enerji resursları tədarükünün şaxələndirilməsində mühüm rol oynayır, Bakı ilə İrəvan arasında sülh yolu ilə nizamlanma isə Avrasiyada nəqliyyat və iqtisadi əlaqələrin daha da inkişaf etməsinə kömək edəcək.

Bu barədə "Sizinxeber.az"un Avropa bürosuna enerji məsələləri üzrə ekspert Samuel Furfari Brüsseldə "Azərbaycan: dəyişən Avrasiyanın energetika geosiyasət" adlı yeni kitabının təqdimatında bildirib.

Furfarinin sözlərinə görə, Aİ-nin enerji tədarükü mənbələrinin şaxələndirilməsinə ehtiyacı var və Azərbaycan bu istiqamətdə əsas tərəfdaşlardan biridir.

"Burada, Brüsseldə Azərbaycanın Avropa İttifaqına enerji resurslarının - neft və qazın tədarükünün artırılmasındakı rolunu çatdırmaq vacibdir", - o deyib.

Furfarinin sözlərinə görə, Azərbaycanla əməkdaşlıq energetika çərçivəsindən kənara çıxır və regional sabitliyin təmin edilməsində mühüm rol oynayır.

"Ermənistan və Azərbaycan arasındakı razılaşma regionda və bütün dünyada sülhün bərqərar olması üçün çox vacibdir", - o bəyan edib.

Onun sözlərinə görə, nəqliyyat dəhlizlərinin inkişafı dövlətlər arasında əlaqələrin möhkəmlənməsinə kömək edir və münaqişə risklərini azaldır. Ekspert əlavə edib ki, İqtisadi əməkdaşlıq və mal mübadiləsi ölkələri daha çox qarşılıqlı əlaqəli edir və uzunmüddətli sülh üçün şərait yaradır.

Furfari həmçinin Aİ-nin tarixi ilə müqayisələr apararaq qeyd edib ki, Avropa inteqrasiyası infrastrukturun inkişafı və ölkələr arasında iqtisadi mübadilənin genişlənməsi sayəsində mümkün olub.

Oxşar xəbərlər

Brüsseldə Azərbaycanın Avrasiyanın energetikasındakı geosiyasi rolu haqqında kitabın təqdimatı olub

Aİ komissarı: "Azərbaycanla əməkdaşlığımız qaz təchizatımızın şaxələndirilməsində mühüm rol oynayır"

Ekspert: "Azərbaycan Avropa üçün enerji təhlükəsizliyi məsələsində vacib tərəfdaşa çevrilir"

Energetika naziri: “Moldova Azərbaycandan qaz idxalında maraqlıdır”

Gil Mixaeli: "Azərbaycanın enerji resursları Aİ ölkələrinin enerji təhlükəsizliyini təmin edir"