Fövqəladə Hallar Nazirliyinin "112" qaynar telefon xəttinə Lənkəran rayonu, Biləsər kəndi yaxınlığında yerləşən Biləsər şəlaləsində vətəndaşın batması barədə məlumat daxil olub.

FHN-in Mətbuat xidmətindən Sizinxeber.az-ya verilən xəbərə görə, məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.

Dalğıclar tərəfindən 1994-cü il təvəllüdlü Quliyev Elvin Asif oğlunun meyiti suda tapılıb çıxarılaraq aidiyyəti üzrə təhvil verilib.

Hadisə ilə əlaqədar müvafiq qurumlar tərəfindən araşdırma aparılır.

***

17.06

Lənkəranda bir nəfər şəlalədə çimərkən batıb.

Sizinxeber.az-nın cənub bürosunun verdiyi xəbərə görə, Lənkəran rayonunun ucqar dağ kəndi olan Biləsərdə, Hirkan Milli Parkı ərazisində yerləşən Bum şəlaləsində bir nəfərin batdığı bildirilir.

Dərhal hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri, eləcə də hüquq-mühafizə orqanlarının əməkdaşları cəlb olunub.

Hazırda batan şəxsin sudan çıxarılması üçün tədbirlər görülür.

Oxşar xəbərlər

Şəlalədə çimən 32 yaşlı şəxsin meyiti tapılıb - YENİLƏNİB

Kürdəmir sakini kanalda boğulub

Göygöldə 2 uşaq göldə boğularaq ölüb - YENİLƏNİB

Bilgəhdə dənizdə batan 19 yaşlı oğlanın meyiti tapılıb - YENİLƏNİB

Lənkəranda 18 yaşlı oğlan süni göldə boğularaq ölüb - FOTO - YENİLƏNİB